Daesang-ийн түүх Miwon нэртэй исгэж үйлдвэрлэсэн амтлагчаас эхэлсэн. Үүнээс хойш компани ферментацийн технологи, хүнсний үйлдвэрлэлийн туршлагадаа тулгуурлан бүтээгдэхүүний төрлөө тасралтгүй өргөжүүлж ирсэн.

Өнөөдөр Daesang нь уламжлалт Солонгос хүнсээс эхлээд орчин үеийн бэлэн хоол хүртэл өргөн хүрээний бүтээгдэхүүн үйлдвэрлэдэг.

Daesang-ийн гол давуу талын нэг нь ферментацийн технологи юм. Тус компани 1962 онд БНСУ-д анх удаа ферментацийн аргаар глутамины хүчил үйлдвэрлэх технологийг амжилттай хөгжүүлсэн бөгөөд үүнээс хойш амин хүчил болон бусад хүнсний орцын технологио өргөжүүлсээр ирсэн.

Энэхүү туршлага нь өнөөдөр кимчи, жан буюу Солонгос уламжлалт исгэсэн сүмс, амтлагч, соус болон төрөл бүрийн хүнсний бүтээгдэхүүн хөгжүүлэх үндэс болдог.

Daesang нь Солонгосын уламжлалт хоолны амтыг хадгалахын зэрэгцээ тухайн улсын хэрэглэгчдийн амт, хэрэглээний хэв маягт тохируулан бүтээгдэхүүнээ хөгжүүлдэг.

Өнөөдөр АНУ, Европ, Хятад, Вьетнам зэрэг гол зах зээлүүдэд үйлдвэрлэл, экспорт болон орон нутгийн түгээлтийн сүлжээгээр дамжуулан үйл ажиллагаа явуулж, дэлхийн 80 гаруй оронд бүтээгдэхүүнээ хүргэж байна.

Daesang-ийн зорилго нь зөвхөн хүнсний бүтээгдэхүүн үйлдвэрлэх бус, эрүүл, чанартай хоолны соёлоор дамжуулан хэрэглэгчдийн өдөр тутмын амьдралд үнэ цэн бүтээх явдал юм.